驗身

結婚前無去驗身, 現在計劃懷孕, 便打算去驗身, 看看兩公婆身體有無大問題!

係esdlife買了最基本的婚前驗身計劃, 包括精液化驗(男性)及德國痲疹抗體(女性)等... 化驗報告顯示我們身體狀況都沒有大問題!

睇中醫

很多人都說想懷孕生BB要找中醫調理身體, 朋友介紹了一些中醫, 自己再在Baby Kingdom搜查, 終於決定去睇這間中醫診所:

佛教華夏中醫學院
http://www.vassarcmc.com/
中醫: 何樹勛院長

診所的總院在灣仔, 大圍亦有分店, 這星期約了在大圍分店睇何院長!

醫師話我個人好濕熱, 要戒口, 只可食豬肉, 魚同菜, 少食炸野, 要調埋先有機會懷孕!  要戒得咁清, 真係好有難度呀, 盡量啦!

排卵試紙

係網上討論區睇到要去買排卵試紙, check住幾時排卵, 才能提高機會率!

在網上購買David大衛排卵試紙(俗稱紅D), 約HK$1一條試紙, 係月經週期約12天開始使用! 說明書建議驗尿前兩小時盡量避免飲水, 正常排卵前2-3天, 試紙的顏色會逐漸變深色, 排卵後就會退色!

我的經期不準, 用了很多天試紙也是無色, 唯有下個週期再試!

葉酸

葉酸(維他命B的一種)是幫助胎兒生長發育不可或缺的營養素, 準備懷孕前便要開始進食!
在萬寧買了GNC Folic Acid 400, 現在開始每天進食一粒, 即是進取400 microgram 的葉酸!

量體温

準備生BB的第一步 - 量度及記錄基本體温!

買了一枝電子温度計, 今日開始每朝起身前量度體温, 用手機記錄住, 看看體温在經前經後的變化; 而量度體温的時間最好每朝差不多, 那麼週末都要搞定閙鐘起身....